Բաժանմունքը բաղկացած է կլինիկական, կենսաքիմիական, շճաբանական, ինչպես նաև իմունոֆերմենտային հետազոտությունների լաբորատորիաներից:
Լաբորատոր բաժանմունքի ստորաբաժանումներում կատարվում են տարբեր պաթոլոգիական վիճակների ժամանակ սպիտակուցային, ածխաջրատային, ճարպային փոխանակության, ինչպես նաև էլեկտրոլիտների և թթվա-հիմնային հավասարության խանգարումների հետազոտություններ՝ վիրաբուժական, ուրոլոգիական և թերապևտիկ պրոֆիլի հիվանդությունների ժամանակ:
Բաժանմունքի գործունեության մեջ լայն կիրառում են գտել շաքարային դիաբետի, սակավարյունության, սրտամկանի ախտահարման, ինֆեկցիաների, վահանաձև գեղձի, վերարտադրման բնագավառի հիվանդությունների, տարբեր օրգան-համակարգերի օնկոմարկերների, ինչպես նաև հորմոնների հետազոտությունները:
Օրգան-համակարգերի վիճակի հետազոտման ժամանակ շեշտը դրվում է լաբորատոր ախտորոշման ժամանակակից չափանիշների վրա, որոնց հիմքում դրված են անալիզների ունիֆիկացված մեթոդները, որոնք կատարվում են ամենաարդիական ավտոմատ անալիզատորների և որակյալ ախտորոշիչ հավաքածուների կիրառմամբ:
Ինտենսիվ թերապիայի ժամանակ կատարվում է օրգանիզմի էլեկտրոլիտների, թթվահիմնային հավասարության և թթվածնային հաշվեկշռի որոշում, որոնց ցուցանիշների հիման վրա իրականացվում է թթվածնի տրանսպորտի, գազափոխանակության ռեժիմի, մակարդակի և արդյունավետության հետագա դինամիկ հսկողություն: Վերջինն իրականացվում է լաբորատոր բաժանմունքում մշակված համակարգչային ծրագրերի միջոցով:
.jpg "«Իզմիրլյան» բժշկական կենտրոն. Լաբորատորիա")
.jpg "«Իզմիրլյան» բժշկական կենտրոն. Լաբորատորիա")
Իրականացվում է թթվահիմնային հավասարության և միկրոէլեմենտների հաշվեկշռի խանգարումների հիմնական համախտանիշների ավտոմատ ախտորոշում, որը թույլ է տալիս կտրուկ արագացնել դինամիկ հսկողության ընթացքը, կրճատել ծախսվող ժամանակը:
Բաժանմունքում մշտապես իրականացվում է հետազոտությունների որակի և ճշտության միջ- և հարլաբորատոր հսկողություն:
Բաժանմունքը հանդիսանում է կլինիկական օրդինատորների ուսումնական բազաներից մեկը: Գիտական գործունեությունը արտացոլված է տպագրություններում, գիտապրակտիկ սեմինարների, գիտաժողովների նյութերում:
