Քիթ-կոկորդ-ականջաբանություն

«Իզմիրլյան» ԲԿ-ի ԼՕՌ բաժանմունքը գործում է 1998 թ – ից բաժանմունքի վարիչն է  եղել Ս.Ժ.Փխրիկյանը։ 2004թ.-ի դեկտեմբեր ամսից մինչ օրս բաժանմունքը ղեկավարում է Վ.Գ.Ստեփանյանը։ Քանի որ աշխատակիցների թվում կան նաև պլաստիկ և դիմածնոտային վիրաբույժներ, կատարվող վիրահատական միջոցառումների ծավալը մեծ է:

Բացի տիպիկ ԼՕՌ- վիրահատություններից (տոնզիլէկտոմիա, սեպտոպլաստիկա, քթի հավելյալ խոռոչների վիրահատություններ և այլն ), կատարվում են նաև քթի խոռոչի և հարքթային խոռոչների ֆունկցիոնալ էնդոսկոպիկ վիրահատություններ, գլխի և պարանոցի շրջանի վերականգնողական և պլաստիկ միկրովիրահատություններ:

2005 թ.-ից Հայաստանում իրականացվում է քնի օբստրուկտիվ ապնոէի և խռմփոցի բուժում վիրահատական եղանակով՝ ուվուլոպալատոֆարինգոպլաստիկա: Կենտրոնի կողմից ռադիոհաճախական գեներատոր ձեռք բերելուց հետո հնարավոր դարձավ տվյալ ճառագայթման միջոցով ազդել քթի և կոկորդի շրջաններին՝ ապնոէի թեթև ձևերի դեպքում: Տվյալ գեներատորը կիրառվում է նաև այլ վիրահատությունների ընթացքում: Ուրույն տեղ է զբաղեցնում ԼՕՌ-օնկոլոգիան:

Բաժանմունքում, բացի մագիստրալ անոթների կապումով կատարվող ընդլայնված լարինգէկտոմիայից, կատարվում են նաև կոկորդի օրգանպահպանողական վիրահատություններ:

2006թ.-ից կատարվում է ձայնի վերականգնում պրոթեզավորման միջոցով: Մինչ այսօր 60 հիվանդներ հնարավորություն են ստացել հաղորդակցվելու և վերադարձել իրենց առօրյա կյանքին:

			Ընդհանուր ԼՕՌ  (հիմնական վիրահատություններ)
			ԼՕՌ օնկոլոգիա (լարինգէկտոմիա, կոկորդի մասնահատում, լարինգէկտոմիայից հետո վերականգնողական վիրահատություն, սիլիկոնային պրոթեզների միջոցով ձայնի վերականգնում, խռմփոցի և քնի օբստրուկտիվ ապնոէի վիրահատական բուժում )
			Քթի և հարքթային խոռոչների ֆունկցիոնալ էնդոսկոպիկ վիրահատութուններ
			Գլխի և պարանոցի շրջանի վերականգնողական  և էսթետիկ վիրահատություններ
			Պլաստիկ և միկրովիրաբուժական վիրահատություններ

Որ՞ դեպքերում է անհրաժեշտ դիմել լոգոպեդին:

Լոգոպեդիխորհրդատվություն և միջամտություն անհրաժեշտ է, եթե .

• 1,5 տարեկան երեխան ընդհանրապես չի օգտագործում խոսքը, որպես հաղորդակցման միջոց (անգամ առանձին բառեր),
• 2 տարեկան. բացառում է ֆրազային խոսքը,
• 3 տարեկան. աղավաղված կամ խանգարված է հնչարտաբերումը, խանգարված է խոսքի տեմպը (արագ կամ դանդաղ խոսք),
• 4 տարեկան. խանգարված է մի քանի հնչյունախմբերի արտաբերումը, աղքատ բառապաշար, օգտագործում է կարճ ֆրազներ, խոսքում առկա է քերականական կողմի սխալներ,
• 7 տարեկան. խանգարված է գրավոր և բանավոր խոսքը ( դիսգրաֆիա, դիսլեքսիա),
• ռինոլալիա (գայլի երախ, նապաստակի շրթունք, քիմքի հետ կապված խնդիրներ և այլն),
• կակազություն,
• դիզարտրիա,
• ՄՈՒԿ,
• ձայնային խանգարումներ,
• լեզվի սանձիկի ուղղում, շտկում` առանց վիրահատական միջամտության:
  
  

           Մեծահասակների դեպքում.

• ձայնի խանգարումներ,
• խոսքային խանգարումներ`
  . կակազություն,
  . աֆազիա (գանգուղեղային վնասվախքները, ուղեղի կաթված),
• ձայնի վերականգնում`
  . կոկորդի հեռացումից հետո,
  . քրոնիկական լարինգիտների դեպքում,
  . ձայնալարերի լուծանքի և թերլուծանքի դեպքում,

Արտաբերական ապարատի յուրաքանչյուր փոփոխությունների դեպքում դիմել լոգոպեդի խորհրդատվության` կանխելու հետագա խնդիրները:

ՔԿԱ բաժանմունք, հեռ.՝  +374 10 24 28 15